Fərhad  Əliyevin  qohumu  21 yaşında Əmlak Komitəsində Hüquq şöbəsinin müdiri olub…

Rabitə nazirinin 1-ci müavini Əli Abdullayevin  Çexiyadakı mülkləri, şirkətləri…
 
Haqqında bəhs edəcəyimiz Nəqliyyat, Rabitə və Yüksək Texnologiyalar Nazirinin birinci müavini Əli İZZƏT oğlu Abdullayev kimdir, nəçidir ? 
Bu adamın tərcümeyi-halı “erməni budaq cümləsinə” oxşayır. 
1999 – 2005-ci illərdə  Azərbaycan Universitetini Beynəlxalq münasibətlər ixtisası üzrə, 2005-ci ildə Azərbaycan Respublikası Prezidenti yanında Dövlət İdarəçilik Akademiyasının Siyasi idarəetmə fakültəsini hüquqşünaslıq ixtisası üzrə bitirmişdir.
Ay adam, konkret yaz görək, sən neçənci ildə  “dünyaca məşhur”  Azərbaycan Universitetinə girib və neçənci ildə bitirmisən ? 
Birincisi, sən necənci ildə Cəlilabadda anadan olmusan ? 
Bunu niyə gizlədirsən ? 
Ay adam, yazırsan ki, 2000-ci ildə  Əmlak Məsələləri Dövlət Komitəsində Hüquq şöbəsinin müdiri işləmisən. 
Ay adam, sən Azərbaycan Universitetini qurtaran kimi o boyda Əmlak Komitəsində necə Hüquq şöbəsinin müdiri oldun ? 
Bəli,  keçmiş komitə  sədri  Fərhad Əliyevin “yekəlməyində”  onun qohumu,  sənin  atan İzzət  Abdullayevin xidməti olmuşdu. Fərhad Əliyev də buna görə, səni partadan duran kimi Əmlak Komitəsində Hüquq şöbəsinə müdir təyin etdi. 
Yeri gəlmişkən, Əli Abdullayevin atası İzzət Abdullayev ötən əsrin 70-ci illərində Cəlilabad Rayon İcraiyyə Komitəsinə rəhbərlik edib. Sonralar Biləsuvar və Cəlilabad rayonlarında suvarma idarələrinin rəisi, Meliorasiya və Su Təsərrüfatı Komitəsində məsul vəzifədə işləyib. Fərhad Əliyevin yüksəlişində də bir qohum kimi Əli Abdullayevin atasının ciddi dəstəyi olub. 
Bu qədər bəsit və sadə. 
Həə,  deməli,  partanın arxasından təzəcə duran Əli Abdullayev  qohumu Fərhad Əliyevin sayəsində komitədə şöbə müdiri oldu. 
Məlumdur ki, sonra Fərhad Əliyev həbs edildi və onu Kərəm Həsənov əvəz elədi. 
Kərəm Həsənov  zamanı nəzərə alaraq Əli Abdullayevi aparatdan uzaqlaşdırıb HƏRRAC keçirməyə göndərdi, daha dəqiq desək, Hərracların Təşkili üzrə Auksion Mərkəzinə  baş direktor. 
Bu sadə  məsələ deyildi. Deməli, Əli Abdullayev  sovet dövründən qalma  zavod, fabrikləri, əraziləri, binaları ÇEK vasitəsilə sataraq milyonlara sahib oldu və Kərəm Həsənovun da etimadını doğrultdu. 
Sonra  Əli Abdullayev  bir neçə il  Heydər Əliyev Fondunda hüquq məsələləri üzrə ekspert oldu və ...
2016-cı ildə  nazir Ramin Quluzadə  Əli  Abdullayevi  Rabitə və Yüksək Texnologiyalar Nazirliyinə   Aparat rəhbəri təyin etdi.  
Əli Abdullyev sonradan nazirin 1-ci müavini oldu. 
İndi isə keçək əsas məsələyə. 
Belə ki, Ramin  Quluzadə özünü  doğrulda bilməyib nazir vəzifəsindən gedəndən sonra Rəşad  Nəbiyev  Nəqliyyat, Rabitə və Yüksək Texnologiyalar Naziri təyin edildi və...
Əli Abdullayevin qara günləri başladı. 
Səbəb nə idi ? 
Bəziləri yazır ki, guya Rəşad Nəbiyev islahatlara start verib. Gülməli arqumentdir. 
Sadəcə, Əli Abdullayev nazirlikdə Aparat rəhbəri olanda qurumun Maliyyə-uçot şöbəsinin müdiri  Rəşad Nəbiyevi saatlarla  qəbul otağında gözlədirmiş. İndi aydın oldumu səbəb nədir ? Nə islahat-reforma-filan ? 
Bəli, Rəşad Nəbiyev Əli Abdullayevi yola salır ...
İndi görək uzun illər Əmlak Komitəsində, Hərrac Mərkəzində işləyən Əli Abdullayevin  nələri var ? 
Bu adamın təkcə  Çexiyada  N qədər  şirkəti, mülkləri  var. 
Bakıda  xeyli sayda bahalı mənzilləri, avtomobil kolleksiyasl var. 
Əli Abdullayevin Çexiyadakı  biznesini  Azərbaycanda Hacı Turqay adı ilə məşhur olan işadamı Turqay Ələkbərovun qardaşı Fərid  Ələkbərov idarə edir. O, Hacı Turqayın və onun biznes ortağı, məşhur "Sevimli Dad" mağazalar şəbəkəsinin sahibi Murad Məmmədovun da Çexiyadakı şirkətlərini idarə edir. 
Yeri gəlmişkən, Əli Abdullayevlə bağlı bir məsələni də qeyd edək. 
Belə ki, hazırda külli-miqdarda dələduzluğa görə müttəhimlər kürsüsündə oturan Lətif Nəbiyev  deyib ki, işədüzəltmə adı ilə aldığım  250 min dolları  nazirin 1-ci müavini  Əli Abdullayevə vermişəm. 
Həə, qalanı bizlik deyil. Qoy əlahəzrət  dövlət qurumları məşğul olsun.
P.S Qarşı tərəfin mövqeyini dərc etməyə hazırıq.