Azərbaycanın dilbər guşələrindən biri olan Qubadlı rayonu 1993-cü ildə avqust ayının 31-də
erməni işğalçıları tərəfindən işğal olunmuşdur.Qubadlı rayonu Laçın,Cəbrayıl,Zəngilan,Gorus rayonu ilə
həmsərhəddir. Təbiətinin gözəlliyi həmişə məni valeh edib.Həkəri,Bərgüşad çayları  Qubadlıya xüsusi
gözəllik verir.Uca dağları,geniş düzənləri,sıx meşələri sanki Allahın bir möcüzəsidir.Qubadlı həm də öz
ziyalıları və qəhramanları ilə həmişə fərqlənib.Xalq qəhramanları Nəbi və Həcərin qəhrəmanlığı burdakı
cavanlara sanki igidlik dərsi keçib.Əliyar Əliyev, Aqil Məmmədov,Vasili Əliyev 1-ci Qarabağ
müharibəsində düşmənə qan uddurmuş Milli Qəhrəmanlarımızdır. Xain düşmən Qubadlıya 3
istiqamətdən hücum etsə də əli silahsız insanlar onların qarşısında tab gətirirdi. O dövrdə hələ
doğulmayan qəhrəman oğullar 27 ildən sonra qəhrəmanlıq tariximizdə yeni səhifə açdılar.Prezidentimiz
möhtərəm Cənab İlham Əliyev və igid Azərbaycan oğulları düşmənin həyasız siyasətinə və aparıcı
dövlətlərin bir tərəfli münasibətinə son qoydular.
27 Sentyabr 2020 ci ildə ikinci Qarabağ müharibəsi düşmənə bir dərs oldu.Ağıllı siyasət və
qüdrətli ordu düşmənimizin başını əzdi.Xalq birliyi,Milli ruh,düşmənə nifrət, həsrətində olduğumuz ata-
baba yurdlarımızın düşmən işğalından azad olunmasinda başlıca amillərdən biri oldu.Bu döyüşlərdə igid
oğullar canlarını qurban verdilər. “Təki vətən yaşasın” şüarı hər bir şəhidin,qazinin,müharibə
iştirakçısının qəlbində dərin iz buraxdı.Şuşa, Laçın, Ağdam, Kəlbəcər, Zəngilan, Qubadlı və digər
ərazilərimiz  əsil sahibinə qovuşdu.25 oktyabr 2020-ci ildə Qubadlı düşməndən azad edildi.Vətən
torpağı şəhidlərin al qanına boyandı. Qubadlının azad edilməsi böyük qələbəni daha da yaxın etdi.Bu
döyüşlərdə də digər oğullar kimi Qubadlı oğulları da qəhrəmanlıq göstırdi. Mais Bərxudarov, şəhid milli
qəhrəman Şükür Həmidov xüsusi qəhrəmanlıq göstərdi.
Uşaq vaxtı gördüyüm Qubadlıdan əsər əlamət qalmayıb. Erməni vandalları Tarixi abidələri,
qəbirləri yerlə yeksan edib. Ağacları belə tamamilə məhv edən düşmən öz iç üzünü Qubadlıda da
göstərib.Sanki Qubadlı mənim gördüyüm cənnətdən cəhənnəmə çevrilib. Doğulduğum Qəzyan kəndində
“Zəngəzur Pələngi” adı almış babam pəhləvan Bahadur Həziyevin, Milli Qəhrəman Əliyar Əliyevin
qəbrləri dağıdılıb. Ümid edirəm və tam dəqiqliklə deyirəm ki möhtərəm prezidentimizin uğurlu siyasəti
və əzmkarlığı ilə Qubadlı əvvəlkindən də gözəl olacaq. Taleyimizə bir daha qaçqın və məcburi köçkün 
adı yazılmayacaq. Qubadlının azad olunmasına görə bir çox hərbi qulluqçular orden və medallarla təltif
olunub.Bütün igid oğullarımızın ,şəhid ruhları qarşısında baş əyirik.Allahdan qazilərimizə şəfa diləyirik.
Birlər ölsə də minlər doğulur.Belə oğulları olan vətən bir daha düşmənə baş əymiyəcək. Qanımız və
canımız bu vətənə fəda olsun. Təki Vətən Yaşasın.
Qarabağ Azərbaycandır!
Tural Yaqubov,
Sabirabad RİHB aparatının Sosial-iqtisadi inkişafın təhlili və proqnozlaşdırılması şöbəsinin
aparıcı məsləhətçisi