ABŞ başda olmaqla beynəlxalq koalisiya qüvvələri tərəfindən Suriyada "İslam dövləti" (İD) qruplaşması yaraqlılarının mövqelərinə vurulan aviazərbələrin qurbanı 50 dinc sakin olub. Kanal24.az-ın xəbərinə görə, Trend RİA Novosti agentliyinə istinadən bu barədə məlumat verir.

Bu barədə BMT-nin baş katibi Pan Gi Munun BMT Təhlükəsizlik Şurası üçün Inner City Press nəşri tərəfindən aldığı məruzədə deyilir.

Məruzəyə əsasən, "beynəlxalq koalisiya qüvvələri praktiki olaraq hər gün Suriyada İD-nin mövqelərinə hava zərbələrini endirməkdə davam edir, nəticədə 865 nəfər, o cümlədən 50 dinc sakin daxil olmaqla həlak olublar".

Bildirilir ki, dinc vətəndaşlar yaraqlıların mövqelərinə endirilən aviazərbələr nəticəsində Hələb, Deyr-əz-Zor, Xaseke, İdlib və Rakke şəhərlərində həlak olublar.