Dünya bazarında neft qiymətlərinin ucuzlaşması Avropa İttifaqının alternativ enerji növlərindən istifadənin genişləndirilməsi planlarının pozulması təhlükəsi yaradıb.

TASS informasiya agentliyi xəbər verir ki, ekspertlər Avropada alternativ enerji generasiyasına pul yatırmış kompaniyaların yeni dövlət subsidiyaları almayacaqları təqdirdə bazardan çıxacaqlarını deyirlər.

Ucuz neftin günəş və külək enerjisinin rentabelliyini azaldacağını bildirən “Yaşıl dünya” Belçika ictimai platformasının nümayəndəsi Hert Ondmans neftin barrelinin qiymətinin 80 dollardan aşağı həddə qalacağı halda Avropa İttifaqının alternativ enerjinin yayılmasına dair öhdəliyini yerinə yetirə bilməyəcəyini qeyd edib.

Aİ 2020-ci ilə qədər istifadə etdiyi enerji həcmində bərpa olunun enerji payının 20 faizə qaldıracağı barədə öhdəliyini bu sektorla məşğul olan kompaniyalara onların enerji resurslarının bazarda rəqabətini artırmaq məqsədi ilə subsidiya və vergi lqotları ayırmaqla təmin edirdi. Bu proqram isə effektivliyini yalnız neftin barrelinin 95, ən azı isə 90 dollar olacağı təqdirdə saxlaya bilər.

Qeyd edək ki, 2007-ci ildə Aİ “20-20-20 strategiyası”nı təsdiq edib. Strategiya Avropada parnik effekti yaradan qazların havaya atılmasının ixtisarını, enerji effektivliyinin artırılmasını və ümumi istehlakda alternativ enerji payını 20 faizə çatdırılmasını nəzərdə tutur.