“Bakutel” XX Beynəlxalq telekommunikasiya və informasiya texnologiyaları sərgi-konfransı çərçivəsində dekabrın 3-də Bakı Biznes Mərkəzində Azərbaycan-Türkiyə yüksək texnologiyalar forumu keçiriləcək.

Forum Rabitə və Yüksək Texnologiyalar Nazirliyi və İstanbul Ticarət Palatası tərəfindən təşkil olunacaq.

Nazirlikdən AzərTAc-a bildirilib ki, tədbirdə Azərbaycan və Türkiyənin aparıcı informasiya-kommunikasiya texnologiyaları (İKT) şirkətləri arasında əməkdaşlıq, hər iki ölkədə birgə investisiya imkanları müzakirə olunacaq, ikitərəfli görüşlər keçiriləcək.