Dekabrın 2-də 10-cu "Bakutel" sərgisi başlayıb. Bakı Espro Mərkəzində keçirilən tədbir dekabrın 5-dək davam edəcək. 

 

Qeyd edək ki, ölkənin ixtisaslaşdırılmış sərgilərindən biri olan "Bakutel" Azərbaycan Beynəlxalq Telekommunikasiya və İnformasiya texnologiyaları sərgi və konfransı öz yubileyini qeyd edir. 

 

Bu ilki Bakutel sərgisində 40 faizi daimi iştirakçı olmaqla, 250-dən artıq şirkət iştirak edir. İştirakçılar arasında aparıcı İKT şirkətləri, Azərbaycanın mobil rabitə operatorları, internet provayderləri, sistem inteqratorları və məşhur markaların distribyutorları var.

 

Sərgi çərçivəsində İKT üzrə ən son qlobal təmayüllərin, eləcə də Azərbaycanda İKT sahəsinin inkişaf perspektivlərinin müzakirəsinə həsr olunmuş geniş işgüzar proqram da planlaşdırılır. mışdır. "Bakutel" sərgisi çərçivəsində “Əşyalar İnterneti” mövzusunda konfrans və “e-Gov 3.0: innovativ çağırışlar, müasir trendlər və yeni imkanlar»” adlı beynəlxalq forumu keçiriləcək.

 

"Bakutel 2014" sərgisinin baş sponsoru “İntel” şirkətidir. /musavat.com/