Narkotik vasitə və qanunsuz odlu silah gəzdirdiyinə görə tutulmuş şəxsin kafesində saxta əsginaslar aşkar edilib.

Daxili İşlər Nazirliyinin mətbuat xidmətindən Kanal24-ə verilən məlumata görə, Kəpəz rayon Polis İdarəsi əməkdaşları tərəfindən dekabrın 10-da narkotik vasitə və qanunsuz odlu silah gəzdirdiyinə görə tutulmuş Arif Adıgözəlovun işlədiyi kafeyə baxış keçirilib.

Baxış zamanı 40 ədəd 100 manatlıq, 900 ədəd 50 manatlıq, 136 ədəd 20 manatlıq və 13 ədəd 10 manatlıq saxta əsginaslar aşkar edilərək götürülüb.