Kembric universitetinin elm adamları baş ağrıları şikayəti ilə xəstəxanaya müraciət edən xəstənin beynində tenya adlı parazit aşkar ediblər. Xəstənin beynində 4 il ərzində qalan və orada böyüyən bu parazitlə İngiltərə həkimləri ilk dəfə rastlaşdıqlarını bildiriblər. Analitik.az Fokus jurnalına istinadən xəbər verir ki, bu paraziti 50 yaşlı ingiltərəlinin beynindən əməliyyatla götürüblər. Araşdırma zamanı o da məlum olub ki, həmin şəxs 4 il əvvəl Şərqi Asiyaya səfəri zamanı çoxlu çiy qurbağa yeyib. Məhz çiy qurbağa ətindən belə bir parazit əmələ gəlib.

 

 

Həkimlər bildirib ki, bu tenyalar əsasən Aralıq dənizi bölgəsində və Şərqi Asiyada olur. İnsan orqanizminə uzunluğu 75 santimetrə, qalınlığı 8 millimetrə qədər böyüyə bilir.